Es morna, MORENA, é di Nhó Eduíno Nunes, irmom di Nhó Djuninho, també poeta e mornista. El tira'l na princípio di século passado, más ó menos li pa 1912-15.
Hamilton Pinheiro.

Pa tudo amigo di Brava e di sé criolo.
Lisboa, 04/06/2012
... Nhomito 

... Morena

Morena di odjo mas preto
qui nòti di temporal,
Dixa’m cantabo nha dor,
Dixa’m cantabo nha mal.

N’es cabário di margura
qui bo dispreso tene’m
Tristeza cumâ es di meu
Igual na mundo, ca tem.

Nha bida é um rosário feto 
di Padri-Nós di ago d’odjo,
Avé Maria di mágoa
Di nha tristi alma di nodjo.

Moreninha di odjo preto
bó qui tene’m n’es degredo,
si bo ca ta da’m bo amor
Bisa’m pa’m morré más cedo..

Bisa’m pa’m morré más cedo
pa’m ca sofré más margura
pa’m bá discançâ nha corpo
na terra di sepultura.

Brava
Eduíno A. Nunes