Kabu Verdi bó ê di meu - By Anibal Silva

Kabu Verdi bó ê di meu
Bó ê nha Séu
N’krebu sima nha kretxeu

Kabu Verdi

Bó é un pérola na meiu di mundu
Un jardin di nós tudu
Nha txon sagradu
Regadu ku amor infinitu

Kabu Verdi

N’dabu nha korason, nha testamentu
Fazi di mi bu kaprixu
Abrasan, kubrin ku bu kalaxu

Kabu Verdi

Mi ê bu fidju imigranti
Ki distinu leba distanti
Es bu fidju di petu
Ki bu fazi ben fetu.

Kabu Verdi

N’krê-bu di más
N’ta fla-bu ku sinsiridadi
N’ka ta dexabu nunka más